386
REGISTRES DU BUREAU
[i555]
DCCXXXI.— [Les estatz des deniers commungs, dons et octroyz de la Ville,
BAILLEZ PAR LE RECEVEUR AU GENERAL SUPERINTENDANT.
i3 septembre 1555. (Fol. 147 v°.)
Du xine jour de Septembre v" lv.
Au jour d'huy, suivant l'Ordonnance de Mess" les Prevost des Marchans et Eschevins de la Ville de Paris, maistre Philippes Macé, notaire et secretaire du Roy el Receveur de lad. Ville, de leur voulloir et. consentement et en leur presence estans au Petit Bu­reau de lad. Ville, a mys es mains de noble homme m" Guillaume de Marilhac, Conseiller du Roy, ge­neral Superintendant des deniers commungs, dons
et octroyz de lad. Ville, deux estatz desd, deniers, emsemble deux comples par luy renduz d'iceulx de­niers de l'année derniere mil cinq cens cinquante quatre; lequel Marilhac les a prins et promis rendre: dont led. Receveur a requis acte.
Ce faict, led. Marilhac a demandé place et lieu pour se asseoir au Bureau de lad. Ville; luy a esté faict responce qu'on y adviseroit.
DCCXXXII-DCCXXXIV. — Pour l'office de General sur les deniers commungs,
ET AUTRES CAUSES. 14 septembre 1555. (Fol. 147 v°.)
Du xime jour de Septembre vclv.
En Assemblée le jour d'huy faitte, en l'Oslel de la Ville de Paris, de Mess" les Prevost des Marchans, Eschevins et Conseillers de lad. Ville, pour adviser sur plusieurs affaires d'icelle cy après declerées, où sont comparuz :
monsr m" Nicole de Livres, Prevost des Mar­chans;
m" Jehan Paluau notere et secretaire du Roy, sire Jehan Lescaloppier, sire Germain Boursier, sire Mi­chel Du Ru : [Eschevins];
monsr Du Drac, monsr Guyot mc des Comptes, monsr me Martin de Bragelongne lieutenant parti­culier, monsr m° Thomas de Bragelongne conseiller en Chastelet, monsr de Jumeauville, sire Denis Ber­thelemy, sire Jehan Croquet, monsr me Guy Lor­mier, sire Pierre Croquet, m" Jehan Sanguyn con­trerolleur des Guerres : tous Conseillers de lad. Ville;
A laquelle Assemblée led. Sr Prevost des Mar­chans a faict entendre aux assistans d'icelle les causes pour lesquelles il les avoit faict assembler.
La premiere, pour le faict du General creé et érigé de nouveau par le Roy superintendant sur les deniers des dons et octroitz de lad. Ville.
Que pour obeyr au voulloir du Roy, le jour d'hier fut baillé de leur Ordonnance par le Receveur de lad. Ville les estatz desd, deniers commungs dons et octroiz avec deux comptes d'iceulx deniers renduz par led. Receveur l'année vc liiii derniere pour la ve­riffication desd, estatz; lequel General, après les
avoir receuz, auroit dit qu'il luy sembloit que l'on luy devoit bailler l'estat des deniers patrimonyaulx de lad. Ville et baulx des fermes d'iceulx deniers.
Luy auroit esté remonstré que lesd, deniers pa­trimonyaulx n'estoient comprins en l'Edicl du Roy de sa creation ny pareillement cn sa provision d'of­fice, aussi que lesd, deniers patrimoniaulx estoient, le patrimoine et heritage de lad. Ville et habitans d'icelle, et que en iceulx le Roy n'avoit droict ne interest; sur quoy led. General auroit faict responce que quant il ne les auroit point, il en auroit moindre charge et moings à rendre compte, et qu'il n'en feroit point de poursuite.
Après, auroit requis que mesd. S™ eussent à ad­viser en quel lieu et place il se devoit seoir quant, il viendroit aud. Hostel de Ville, pour communiquer avec mesd S™ des affaires de sa charge. Sur quoy luy auroit esté faict response que l'on y adviseroit. et que l'on, en parlerait au Conseil de lad. Ville.
Et sur ce que led. Sr Prevost des Marchans a de­mandé les oppinions et avis des assistans cn lad. As­semblée; tous lesquelz d'un commung, accord et con­clusion ont esté d'avis dc ne bailler aucuns estatz desd, deniers patrimoniaulx et baulx des fermes d'iceulx aud. General, attendu que ce sont deniers patrimoniaulx provenans des heritaiges et patrimoine de lad. Ville, et que le Roy n'a droict ne interest sur iceulx; et que led. Sr Prevost des Marchans doibt aller en telle compaignée qui luy plaira, et le plus tost qu'il pourra, à la Court dud. S-r, luy faire et à sond. Conseil les trés humbles remonstrances re-